अखबार नेपाल ट्रेन्डिङ

काठमाडौं: स्थानीय तहको निर्वाचनमा चितवनको भरतपुर महानगरपालिकाको मेयरमा बागी उम्मेदवार दिएका जगन्नाथ पौडेललाई नेपाली कांग्रेसका बरिष्ठ नेता रामचन्द्र पौडेलले भेट गरेका छन् ।

नेपाली कांग्रेसले आफैले भरतपुरमो मेयर पाउनुपर्ने माग गरेपनि माओवादी केन्द्रको भागमा परेपछि कांग्रेसि कार्यकर्ता रुष्ट भएका थिए भने जगन्नाथले मेयरमा स्वतन्त्र उम्मेदवार दिएका थिए ।

उनलाई पार्टीले उम्मेदवारी फिर्ता लिन आग्रह गरेपनि उम्मेदवारी फिर्ता गरेन्, बरु भुई कटहर चिन्ह लिएर अहिले भोट मागिरहेका छन् ।

यसरी स्वतन्त्र मेयरको उम्मेदवार बनेका पौडेललाई पार्टीको बरिष्ठ नेता पौडेलले भेटेपछि कांग्रेसजनमा विभिन्न खालको आशंका उब्जिएको छ । आज बिहान होटल सिरागचुलीमा जगन्नाथ, मीना खरेल र कृष्णलाल सापकोटासँग कुराकानी भएको छ। जगन्नाथ मेयर उम्मेदवार बन्दा खरेल समर्थक र सापकोटा प्रस्तावक बसेका थिए। उनीहरू पनि कांग्रेस कार्यकर्ता थिए।

भेटका क्रममा रामचन्द्रले उम्मेदवारी निष्कृय बनाउन आग्रह गर्दा जगन्नाथले कांग्रेसलाई बचाउन आफ्नो उम्मेदवारी कायम रहने ठाडो जबाफ दिएको स्रोतको दाबी छ । जगन्नाथको त्यस्तो जबाफ सुनेपछि रामच्ना मौन रहेका थिए ।