अखबार नेपाल ट्रेन्डिङ

काठमाडौं: खोटाङ जिल्लामा रहेको धार्मिक तथा पर्यटनको लागि कहलिएको धार्मिकस्थलको त्रिवेणी हलेसी महादेव यसलाई पूर्वको पशुपतिनाथ पनि भनिन्छ ।

धार्मिक आस्थाको धरोहर तथा पर्यटकिय गन्तव्य हलेसी महादेव प्राकृतिक दृश्यावलोकनका लागि पुग्ने गरिन्छ । यहाँको प्राकृतिक भू-बनौटका कारण विश्वमै अनौठो भू-बनौट रहेको  मानिन्छ ।

घना जंगलको बीचमा रहेको हलेसी महादेव परिसरमा हलेसी, बसाहा र भैरव गरी तीनवटा गुफा छन् ।

गुफाको एकातिर हिन्दु धर्मप्रति आस्था राख्नेहरु पुजापाठ गरिरहेको दृष्य देखिन्छ भने बौद्ध धर्मप्रति आस्था राख्नेहरु पुजापाठ गरिरहेको देख्न सकिन्छ ।

हिन्दु धर्ममा आस्था राख्नेहरुले यसलाई पशुपतिनाथको रुपमा, बौद्ध धर्मावलम्बीहरु दोस्रो लुम्बिनीको रुपमा र किरात धर्मावलम्बीहरुले आदिम भूमीको रुपमा पूजाआजा गर्ने गरिन्छ ।

मन्दिर दर्शन गरेमा दुःखबाट मुक्ति मिल्ने, निःसन्तानलाई सन्तान मिल्ने र पदन्नोति हुन्छ भन्ने विश्वास छ ।