युरोपा कन्फोरेन्स लिगमा कोन्टेको प्रशिक्षणमा टोटनहम विजय भएको छ
६ अंक जोडेको भिटेस तेस्रो स्थानमा
वि.सं.२०७८ कात्तिक १९ शुक्रवार १०:३२
एजेन्सीः युरोपा कन्फोरेन्स लिगमा प्रशिक्षक एन्टोनियो कोन्टेको प्रशिक्षणमा टोटनहमले गएराति भिटेसमाथि ३–२ को विजय हासिल गरेको छ ।
कोन्टेको प्रशिक्षणमा पहिलो पटक खेलेको पहिलो हाफमा पाँच गोल भएको थियो भने तीन वटा रातो कार्डको देखाइएको थियो ।
इङ्लिस प्रिमियर लिगको क्लब टोटनहमले १५औं मिनेटमा ह्युङमिन सनको गोलबाट अग्रता लिएको थियो ।
२२औं मिनेटमा लुकास मोउराले टोटनहमकाे अग्रता दोब्बर बनाए ।
भिटेसका जाकोब रासमुसेनले २८औं मिनेटमा गरेको अत्मघाती गोलमा टोटनहमले अग्रता बनाएको थियो ।
रासमुसेनले ३२औं मिनेटमा गरेको गोलबाट भिटेसले पुनरागमनको प्रयास गर्यो ।
माटुस बेरोले ३९औं मिनेटमा अर्को गोल थपेपछि भिटेसले अंक लिने सम्भावना बढेको थियो ।
५९औं मिनेटमा टोटनहमका क्रिष्टेन रोमेरोले दोस्रो पहेंलो कार्डको सामना गरेपछि घरेलु टोली दश खेलाडीमा सीमित बनेको थियो ।
८१औं मिनेटमा ड्याल्हो डोइखीले दोस्रो पहेंलो कार्डको सामना गरेपछि भिटेस पनि दश खेलाडीमा सीमित बन्यो ।
त्यसको चार मिनेट वित्न नपाउँदै मार्कुस सुबर्टले सिधै रातो कार्डको सामना गरेपछि भिटेस ९ खेलाडीमा सीमित भयो ।
‘‘आज निकै तनावपूर्ण खेल भयो तर मलाई यस्तो खेल मन पर्दैन,’’ टोटनहमका प्रशिक्षक कोन्टेले भने, ‘‘हामी तीन शुन्यले अगाडि थियौं ।
रातो कार्डको सामना गरेपछि हामी उल्टै दबाबमा पर्यौं ।
खेल जस्तो भए पनि हाम्रो लागि जित महत्त्वपूर्ण थियो ।
यसले खेलाडीको मनोबल बढ्नेछ ।’’
जितपछि सात अंक जोडेको टोटनहम दोस्रो स्थानमा छ ।
युरोपा कन्फोरेन्स लिगमा ६ अंक जोडेको भिटेस तेस्रो स्थानमा छ ।
टोटनहम सम्मिलित समूह ‘जी’ रेनेस दश अंकका साथ शीर्ष स्थानमा छ ।
गएराति नै सम्पन्न खेलमा रेनेसले मुरालाई १–० ले हराएको थियो ।
टोटनहमका पूर्व प्रशिक्षक जोजे माउरिन्होले सम्हालेको क्लब एएस रोमा गएराति बोडोग्लीम्टसँग २–२ को बराबरीमा रोकियो ।
बराबरीपछि रोमाले समूह ‘सी’ को शीर्ष स्थानमा उक्लने मौका गुमायो ।
बोडोग्लीम्ट आठ अंकका साथ शीर्ष स्थानमा रहँदा रोमा सात अंकका साथ दोस्रो स्थानमा छ ।
६ अंक जोडेको जोर्याले तेस्रो स्थानमा छ ।
पीएफसी सिएसकेए–सोफिया एक अंकका साथ पुछारमा छ ।
यो पनि पढ्नु होस्ः
आईसीसी टी–२० विश्वकप क्रिकेटमा न्युजिल्यान्डको सानदार जित
वि.सं.२०७८ कात्तिक १९ शुक्रवार १०:३२