अखबार नेपाल ट्रेन्डिङ

काठमाडौं:  नेको इन्सुरेन्स लिमिटेडले   १ अर्ब ६३ करोड रुपैयां खुद बीमा शुल्क आर्जन गरेको छ । गत आर्थिक वर्षको चौथो त्रैमाससम्म नेको इन्सुरेन्सले १ अर्ब ६३ करोड रुपैयां खुद बीमा शुल्क आर्जन गरेको हो ।

नेको इन्सुरेन्सले सार्वजनिक चौथो त्रैमास वित्तीय विवरणअनुसार समीक्षा अवधिको यो खुद बीमा शुल्क अघिल्लो वर्षको सोही अवधिको तुलनामा २८.५३ प्रतिशतले बढी हो। अघिल्लो वर्ष कम्पनीले बीमा शुल्क १ अर्ब २७ करोड रुपैयांमा आर्जन गरेको थियो ।

कम्पनीले लगानी, कर्जा तथा अन्यबाट हुने आयबापत १५ करोड ७५ लाख रुपैयां आर्जन गरेको छ। अघिल्लो वर्ष यस्तो आय १२ करोड ८७ ला रुपैयाँमात्र थियो। पुनर्बीमा कमिसन आय २५ करोड २० लाख रुपैयांबाट घटेर २० करोड ३० लाख रुपैयांमा सीमित बनेको छ।

यो अवधिमा कम्पनीले ६२ करोड रुपैयां खुद दाबी भुक्तानी गरेको छ। अघिल्लो वर्ष कम्पनीले ४९ करोड ३० लाख करोड रुपैयां दाबी भुक्तानी गरेको थियो। खुद दाबी भुक्तानी २५.७७ प्रतिशतले बढेको छ।

कम्पनीको नाफा १५.४९ प्रतिशतले बढेको छ। अघिल्लो वर्ष ४६ करोड ८० लाख रुपैयाे नाफा गरेको कम्पनीले समीक्षा अवधिमा ५४ करोड ६ लाख रुपैयां नाफा आर्जन गरेको छ।कम्पनीको व्यवस्थापन खर्च ४.३५ प्रतिशतले वृद्धि भएर ३४ करोड ४५ रुपैयाँ पुगेको छ। अघिल्लो वर्ष व्यवस्थापन खर्च ३३ करोड १ लाख रुपैयाँमा सीमित थियो।

कम्पनीको बीमा कोषको आकार ३१.९१ प्रतिशतले बढेर १ अर्ब ११ करोड रुपैयांको भएको छ। अघिल्लो वर्ष जीवन बीमा कोषमा ८४ करोड ७० लाख रुपैयां रहेको थियो। ४१ करोड ९९ लाख रुपैयां रहेको कम्पनीको जगेडा तथा कोषको आकार ६६.८२ प्रतिशतले बढेर ७० करोड ५ लाख रुपैयांमा सीमित बनेको छ।

कम्पनीको जारी बीमालेखको संख्या ३ लाख २ हजार ७१२ रहेको छ। अघिल्लो वर्ष जारी बीमालेखको संख्या २ लाख ४८ हजार २०६ रहेको थियो। चुक्तापु्जी १ अर्ब ३१ करोड रुपैयां रहेको कम्पनीको वार्षिकीकरण प्रतिसेयर आम्दानी (ईपीएस) ४१.०४ रुपैयां, पीई अनुपात ३२.८५ गुणा र प्रतिसेयर नेटवर्थ २४३.३४ रुपैयां रहेको छ।

यो पनी :

नेपाल फाइनान्स लिमिटेडले वार्षिक साधारणसभा डाक्यो