अखबार नेपाल ट्रेन्डिङ

काठमाडौं: एमालेका उपाध्यक्ष भीम रावलले कोटेश्वरमा एमालेका बरिष्ठ नेता माधव कुमार नेपाललाई भेटेर फर्किएपछि कार्यदलको वैठक सिंहदरबारमा शुरु भएको छ ।

पार्टी एकताका लागि आजको कार्यदलको वैठक महत्वपूर्ण हुने वैठकमा सहभागी  नेताले जानकारी दिएका छन् ।

आज बिहान अध्यक्ष केपी शर्मा ओली पक्षका नेता विष्णु पौडेललाई भेटेपछि नेता रावल नेपाल निवास कोटेश्वर गएका थिए ।

हिजो बेलुका ओली र नेपालबीच होटल मेरियटमा २ घण्टा छलफल भएको थियो ।

हिजो बेलुकी सुरुमा दुवै तर्फका दुई दुई जना कार्यदल सदस्यहरुसहित छलफल भएपछि दुई शीर्ष नेताबीच वान टु वान वार्ता भएको थियो ।

अध्यक्ष ओलीले नेपालसँगको वार्तापछि केहीबेर कार्यदलका सदस्यहरुसँग पनि छलफल गरेका थिए । तर हिजोको वैठकबाट केही सहमति भएको थिएन ।

हिजो  छलफलबाट बाहिरिने क्रममा नेपाल पक्षीय कार्यदल संयोजक भीम रावल र सदस्य सुरेन्द्र पाण्डेले पार्टीभित्रको आन्तरिक विवाद सहमति नजिक पुगेको प्रतिकृया दिएका थिए ।

आगामी तीन दिनसम्म भारी वर्षाको सम्भावनाः मौसम पूर्वानुमान महाशाखा
इंग्ल्यान्ड ५५ वर्षपछि ठूलो प्रतियोगिताको फाइनलमा पुग्न सफल