अखबार नेपाल ट्रेन्डिङ

काठमाडौं: मौसम पूर्वानुमान महाशाखाले आगामी तीन दिन भारी वर्षा हुनसक्ने जनाएको छ ।

नियमित बुलेटिनमार्फत महाशाखाले सुदूरपश्चिम र कर्णाली बाहेकका प्रदेशमा आगामी तीन दिन भारी वर्षा हुनसक्ने भन्दै सजग रहन आग्रह समेत गरेको छ ।

जारी बुलेटिनका अनुसार ‘प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरुमा मेघ गर्जन/चट्याङ्गसहित भारी वर्षाको सम्भावना रहेको जनाएको छ ।

प्रदेश १ बागमती प्रदेश, गण्डकी प्रदेश र लुम्बिनी प्रदेशका एक वा दुई स्थान धेरै भारी वर्षाको सम्भावना रहेको जनाएको छ ।

उक्त प्रदेशहरुको पहाडी भू–भागमा भू–क्षय, पहिरो तथा गेग्रान बहावको जोखिम रहेको साथै नदीनाला तथा खहरे खोलाहरुमा पानीको सतह बढ्न सक्ने तथा दैनिक जीवन/यातायात क्षेत्र प्रभावित हुन सक्ने भएकोले आवश्यक सतर्कता अपनाउनु हुन सबैमा अनुरोध छ ।

देशभर मनसुनी वायुको प्रभाव रहेको र देशभर सामान्यदेखि पुर्ण बदली रहेको पनि पूर्वानुमान महाशाखाद्वारा जारी बुलेटिनमा उल्लेख गरिएको छ ।