अखबार नेपाल ट्रेन्डिङ

काठमाडौं:  पोखरामा प्याराग्लाइडिङ दुर्घटना हुँदा पाइलटको मृत्यु भएको छ। त्यस्तै यात्रु गम्भीर घाइते भएको जिल्ला प्रहरी कार्यालय कास्कीले जनाएको छ ।

पोखरामा सोमबार दिउँसो करिब एक बजे भएको दुर्घटनामा गम्भीर घाइते भएका पोखरा लेकसाइड बस्दै आएका फिस्टेल प्याराग्लाइडिङका ३८ वर्षीय पाइलट राजु गैरे नेपालीलाई उपचारको लागि मेट्रो सिटी अस्पतालमा पुर्‍याउँदा करिब पौने २ बजे मृत्यु भएको थियो।

प्याराग्लाइडिङकी यात्रु काठमाडौं बुढानिलकण्ठ नगरपालिका-२ की २८ वर्षीया शीला श्रेष्ठ गम्भीर घाइते भएकी छिन् । उनको छाती, ढाड, खुट्टा, हातमा चोट लागेको छ ।  उनको उपचारको लागि मेट्रोमा लगिएको र थप उपचारका लागि काठमाडौंमा रिफर गरिएको छ।

ल्यान्ड हुनु पर्ने स्थानभन्दा डेढ-दुई किलोमिटर माथि क्याम चोक भन्ने ठाउँमा खसेको र के कति उचाइबाट खसेको र कसरी खसेको भन्ने अनुसन्धान भइरहेको जिल्ला प्रहरी कार्यालय कास्कीले जनाएको छ ।

यो पनि पढ्नुहोस् :

https://www.akhabarnepal.com/2020/11/19443/