अखबार नेपाल ट्रेन्डिङ

काठमाडौं: आदिबासी जनजाति चलचित्र महासंघले चलचित्रकर्मीहरुलाई आर्थिक सहयोग गरेको छ ।

कारोना भाईरसका कारण लामो समयसम्म लकडाउन हुँदा आयश्रोत बन्द भई दैनिक जिबिको पार्जनमा अप्ठेरो परेका चलचित्रकर्मीहरुलाई प्रति ब्यक्ती नगद पाँच हजारका दरले सहयोग रकम उपलब्ध गराएको हो ।

महासंघले आईतबार आदिबासी जनजाति चलचित्र महासंघको कार्यालय नयाँबानेश्वरमा ६३ जना चलचित्रकर्मीहरुलाई उक्त सहयोग रकमको चेक हस्तान्तरण गरेको छ ।

कोरोना भाईरस महामारीका कारण गत चैत्र महिनादेखि बन्द भएको चलचित्र क्षेत्र अहिलेसम्म सञ्चालनमा आउन सकेको छैन । यसरी चलचित्र क्षेत्रको सम्पुर्ण कामहरु बन्द भएपछि दैनिक चलचित्र क्षेत्रमा काम गर्ने अधिकांश चलचित्रकर्मीहरुलाई समस्या परेको हुँदा सहयोगको आवश्यकता रहेको महासंघका अध्यक्ष अमृत बहादुर सुनुवारले बताए ।

आदिबासी जनजाति चलचित्र महासंघले यस अघि पनि बिभिन्न चरणमा राहत बितरण गर्दै आएको महासंघका उपाध्यक्ष बिकु थोकरले बताए । सहयोग रकम महासंघमा आबद्घ जातिय संस्थाहरुसँग समन्वय गरेर अति समस्यामा परेका चलचित्रकर्मीहरु मात्र बितरण गरेको महासंघका महासचिव पुर्खाजित राईले बताए ।

सहयोग रकम हस्तान्तरण कार्यक्रममा आदिबासी जनजाति चलचित्र महासंघका अध्यक्ष अमृत बहादुर सुनुवार, उपाध्यक्ष बिकु थोकर, महासचिव पुर्खाजित राई, सचिव सिजिका माझी, चलचित्रजन्य जातिय संस्थाका अध्यक्ष, चलचित्रकर्मीहरु उपस्थिति रहेको थियो ।