अखबार नेपाल ट्रेन्डिङ

काठमाडौं:  एनएमबि बैंक र आईएमएसविच एनएमबि बैंकका ग्राहकहरुले स्यामसङ्गको मोबाईल एनएमबि बैंकको कार्ड प्रयोग गरी खरिद गर्दा मेगाडिल अन्तर्गत विशेष छुट र दशैं नगद फिर्ता अफर प्रदान गर्ने विषयमा द्विपक्षिय समझदारी भएको छ ।

एनएमबि बैंकका तर्फबाट प्रमुख–रिटेल बैंकिङ्ग  रोशन रेग्मी र आईएमएसका तर्फबाट प्रबन्धक– सेल्स र अपरेशन नारायण भुषालले समझदारीपत्रमा हस्ताक्षर गर्नुभएको छ  । यसपालीको दशैंमा नयाँ मोबाईल खरिद गर्ने चाहना साकार होस भन्ने उद्देश्यसाथ आईएमएसले यो अभियान सुरु गरिएको हो ।

एनएमबि बैंक भिसा डेबिट र क्रेडिट कार्डको साथ दशैं महाअफरअन्तर्गत ग्राहकले सामसङ मोबाइलको प्रत्येक खरीदमा १० प्रतिशत छुट वा १ हजारसम्म नगद फिर्ता पाउन सक्नेछन् । एनएमबि बैंकले १८६ शाखाहरु, ६ विस्तारित काउन्टरहरु र १३५ एटीएमहरुको मजबुत सञ्जाल मार्फत ग्राहकहरुलाई उच्चस्तरीय सेवा प्रदान गर्दै आएको छ ।