एभरेष्ट बैंकले किसानलाई सहुलियतपूर्ण कृषि ऋण प्रदान गर्ने
वि.सं.२०७७ कात्तिक ३ सोमवार १३:४३
काठमाडौं: एभरेष्ट बैंकले काभ्रेको पाँचखाल नगरपालिकाका किसानलाई सहुलियतपूर्ण व्याजदरमा कृषि ऋण प्रदान गरेको छ । बैंकले आफ्नो २५ औं वार्षिकोत्सवको अवसरमा उक्त ठाउँका ग्राहकलाई उक्त सुविधा गर्ने सम्झौता गरेको हो ।
यस सम्झौता अन्तर्गत एभरेष्ट बैंकले नेपाल राष्ट्र बैंकको निर्देशिका अनुसार पाँचखाल नगरपालिकाका कृषकहरुलाई सहुलियतपूर्ण व्याजदरमा कृषिऋण उपलब्ध गराउनेछ ।
सो सम्झौतापत्रमा बैंकका प्रमुख कार्यकारी अधिकृत जी.के. नेगी र पाँचखाल नगरपालिकाका मेयर महेश खरेलले हस्तान्तरण गरेका छन् ।
बैंकले हाल ७ ओटै प्रदेशमा गरी ९८ शाखा कार्यालय , ३० राजश्व सङ्कलन काउन्टर तथा १२९ स्थानमा एटीएम काउन्टर मार्फत बैंकिङ् सेवाहरु प्रदान गर्दै आइरहेको छ ।
वि.सं.२०७७ कात्तिक ३ सोमवार १३:४३