अखबार नेपाल ट्रेन्डिङ

काठमाडौं: महालक्ष्मी विकास बैंक लिमिटेडले ऋणीहरुलाई व्याज रकममा छुट दिने भएको छ ।

काराेना भाईरसका कारण उत्पन्न असहज परिस्थितिमा ग्राहकहरुकाे सहजताकालागि कर्जा सुविधा  लिएका ग्राहकहरुले असोज मसान्त भित्र तिनुपर्ने व्याज भुक्तानी गरेमा भुक्तानी भएको व्याज रकममा १० प्रतिशत छुट प्रदान गर्ने निर्णय गरेको बैंकले जनाएकाे छ ।

ग्राहकहरुले यस विषम परिस्थितिमा पनि कर्जाको किस्ता-ब्याज भुक्तानी गरेर देखाएको इमान्दारीताको कदर गर्दै बैंकले केही कर्जाहरुमा व्याजदर घटाएको छ ।

महालक्ष्मी विकास बैंकले देशभर १०२ वटा शाखा तथा ३४ वटा एटिएमहरुमार्फत सेवा प्रदान गरिरहेको छ ।