अखबार नेपाल ट्रेन्डिङ

काठमाडौं: एन आई सी एशिया बैंकले नेपाल सरकारद्वारा स्थापित कोरोना भाइरस संक्रमण रोकथाम, नियन्त्रण तथा उपचार कोषमा आर्थिक सहयोग गरेको छ ।

बैंकले आफ्नो संस्थागत सामाजिक उत्तदायित्व बहन गर्दै कोरोना भाईरस संक्रमण फैलिन नदिन एवं नियन्त्रणको लागि सरकारको उक्त कोषमा रू. १ करोड ७ लाख ५९ हजार सहयोग रकम हस्तान्तरण गरेको छ ।

कोरोना महामारीको यो असाधारण समयमा मुलुकको हित र रक्षाको लागि नेपाल सरकारद्वारा स्थापित कोषमा उक्त रकम सहयोग गरेको र बैंकले यस अघि आफ्नो सामाजिक उत्तरदायित्व महसुस गर्दै देशका सातै प्रदेश सरकारलाई रू. १५-१५ लाख गरी कुल रू १ करोड ५ लाख रकम हस्तान्तरण गरेको बै्कले जनाएको छ ।

बैंकले मुलुकभर ३ सय २६ शाखा कार्यालयहरू, ४ सय ६६ एटिएम, १ सय २ वटा एक्स्टेन्सन काउण्टर एवं ६४ वटा शाखा रहित बैंकिङ्ग मार्फत् मुलुककै सबैभन्दा ठूलो शाखा सञ्जाल भएको बैंकको रुपमा  बैंकिङ्ग सेवा प्रदान गर्दै आएको छ ।