अखबार नेपाल ट्रेन्डिङ

काठमाडौं: यहि आर्थिक वर्ष २०७७/७८ देखि भिटामिन ‘के’ कार्यक्रम संचालन हुने भएको छ । नवजात शिशुलाई भिटामिन ‘के’  बाट हुने समस्याबाट जोगाउन नेपाल सरकारले भिटामिन ‘के’ कार्यक्रम संचानलमा ल्याउन लागेको हो ।

स्वास्थ्य सेवा विभाग अन्र्तगतको बाल स्वास्थ्य तथा खोप सेवा शाखाका प्रमुख डाक्टर झलक गौतमले नवजात शिशुमा भिटामिन ‘के’ कमी हुदा चोट पटक लागेको खण्डमा रक्तश्राव भई शिशुको मृत्यु हुने हुर्दा यो खोपको कार्यक्रम ल्याउन लागेको बताए ।

डाक्टर गौतमले अस्पतालमा जन्मेका शिशुलाई जन्मेको दिन यो भिटामिन दिइने भए पनि घरमा जन्मने शिशुलाई जन्मेको २८ दिन भित्र यो भिटामिन अनिर्वाय दिन सबैलाई आग्रह गरेका छन्  ।

भिटामिन ‘के’ शिशु जन्मेको कहि समय पछि आमाको दूध चुसीसके पछि खोपबाट दिने गरिन्छ । यो भिटामिन १ केजी भन्दा कमतौल भएका नवजात शिशुलाई ०.५ मिलिग्राग र १ केजीभन्दा माथि धेरै तौलका शिशुलाई १ मिलिग्राम दिने गरिन्छ ।

यो भिटामिन शिशुको दाहिने तिघ्राको मासुमा खोपका माध्यमबाट दिइन्छ । यो भिटामिनले जवजात शिशुमा चोटपटक लागेको अवस्थामा रक्तश्राव रोक्ने काममा मद्दत गर्दछ ।