अखबार नेपाल ट्रेन्डिङ

काठमाडौं: लकडाउन खुला गरेसँगै नेपाल सरकारले भदौ १ गतेदेखि नियमित आन्तरिक र अन्तर्राष्ट्रिय उडान सुचारु गर्न त्रिभुवन अन्तर्राष्ट्रिय विमानस्थलले नियमित उडान संचालनको लागि पूर्वतयारी गरिरहेको छ ।

लकडाउनको समयमा नियमित उडान बन्द हुँदा विमानस्थलले धवनमार्ग विस्तार, मर्मत, मार्किङ लगायतका काम पूरा गरिसकेको छ । विमानस्थलमा नियमित उडान संचालन गर्दा सुरक्षाका सम्पूर्ण उपायहरु अपनाउने तयारी भइरहेको छ ।

यद्यपि अब नियमित उडान सीमित मात्र हुने र पहिले आवतजावत गर्ने यात्रुको २० प्रतिशत यात्रुले मात्र यात्रा गर्न पाउने विमानस्थलले जनाएको छ । यसअघि नियमित रुपमा दैनिक ४० भन्दा बढी नियमित अन्तर्राष्ट्रिय उडानमा २० हजारभन्दा बढी यात्रु आवतजावत गर्ने गरेकोमा अब २० प्रतिशतमा झर्दा दैनिक करिब ८ अन्तर्राष्ट्रिय उडानमा करिब ४ हजार यात्रुले यात्रा गर्न पाउने बताईएको छ ।