अखबार नेपाल ट्रेन्डिङ

काठमाडौं: होटल अन्नपूर्णमा कार्यरत आधिकारिक तथा क्रियाशिल युनियनहरुद्वारा सबै तहका कामदार तथा कर्मचारीहरुलाई राहत वितरण गरेको छ । कोरोना भाइसरको संक्रमण बढेसँगै नेपाल सरकारले कोरोना नियन्त्रणका लागि लागु गरेको देशभर लकडाउनले गर्दा बिगत तीन महिनादेखि श्रमिकहरुले पारिश्रमिक नपाई भोकभोकै बस्नु परेको र रोगले भन्दा भोकले मर्नु पर्ने स्थिति आएको भन्दै होटल अन्नपूर्णमा कार्यरत आधिकारिक तथा क्रियाशिल युनियनहरुको सक्रियतामा संकलित रकम सहित एक एक मुठि खाद्यान्न जम्मा गरि राहत वितरण गरिएको  नेपाल पर्यटन तथा होटल संबद्ध श्रमिक संघ केन्द्रिय महासचिव महेशराज जोशीले बताए ।

त्यसैगरी राहत स्वरुप प्रति ब्यक्ति २५ किलो चामल,  २ पोका नुन,  २ लिटर तेल,  ३ केजी दाल,  साबुन २ वटा र चिनि २ किलोका दरले राहत वितरण गरिएको अखिल नेपाल होटल क्यासिनो तथा रेस्टुरेन्ट मजदुर संघका अध्यक्ष नरबहादुर लामिछानेले बताए ।