अखबार नेपाल ट्रेन्डिङ

काठमाडौं: नेपाल कम्युनिस्ट पार्टी भित्र देखिएको विवाद मिलाउने प्रयास स्वरुप ओली-दाहालबीच भएको वार्ता सकारात्मक दिशामा अघि बढेको छ ।

शुक्रबार प्रधानमन्त्री निवास बालुवाटारमा प्रधानमन्त्री तथा पार्टी अध्यक्ष केपी शर्मा ओली र कार्यकारी अध्यक्ष पुष्पकमल दाहाल सहित अन्य नेताहरु बीचको बैठकमा पार्टी एकताको मर्मअनुरुप दुबै पक्षलाई मिलाएर अघि बढ्ने आधार तयार भएको बैठकमा सहभागी नेताले बताए ।

बिहिबार प्रधानमन्त्री ओलीले संसद अधिवेशन अन्त्य गरेसंगै अध्यक्षद्वय बिच बढ्दै गएको असन्तुष्टिका कारण पार्टी फुटको संघारमा पुगेको भन्दै नेताहरुद्वारा गम्भीर चिन्ता र चासो प्रकट भएको थियो । उक्त असन्तुष्टिका बिच सहमति जुटाउने उद्देशयले अध्यक्षद्वयको छलफलका लागि स्थायी समिति बैठक शनिबार बिहान ११ बजे सम्म स्थगित गरिएको छ । यो बीचमा सहमति जुटाउन र पार्टी एकतालाई जोगाउन महासचिव विष्णु पौडेल र नेता जनार्दन शर्मा सहित ओली र दाहालबीच बालुवाटारमा छलफल भएको र छलफल सौहार्दपूर्ण वातावरणमा खुलेर भएको नेता जनार्दन शर्माले बताए ।