अखबार नेपाल ट्रेन्डिङ

काठमाडौं: चालु आर्थिक वर्षको तेस्रो त्रैमाससम्म आइपुग्दा नेपाल एसबीआई बैंकको नाफा १०.१४% ले घटेर १ अर्ब ४३ करोड ८२ लाख १० हजार रुपैयाँमा सीमित भएको छ । गत वर्ष यसले १ अर्ब ६० करोड ६ लाख ४७ हजार रुपैयाँ नाफा कमाएको थियो । चैत मसान्तसम्म बैंकको वितरण योग्य नाफा पनि उल्लेख्य रुपमा घटेको छ ।

वितरण योग्य नाफा ९१.१४% ले घटेर १० करोड ४३ लाख ९१ हजार रुपैयाँमा सीमित भएको छ । गत वर्ष बैंकको वितरण योग्य नाफा १ अर्ब १७ करोड ८३ लाख ७५ हजार रुपैयाँ थियो । बैंकको रिजर्भ कोषमा भने सुधार देखिएको छ । खुद ब्याज आम्दानी र सञ्चालन नाफा क्रमशः ६.४७% र ७% ले घटेको छ । यसअवधिमा एसबीआइले ३ अर्ब १३ करोड ९८ लाख ९२ हजार रुपैयाँ खुद ब्याज आम्दानी गरेको छ ।

सञ्चालन नाफा २ अर्ब ४ करोड ९१ लाख ५१ हजार रुपैयाँ रहेको छ । चैत मसान्तसम्म आइपुग्दा बैंकको प्रतिसेयर आम्दानी ३ रुपैयाँ ८५ पैसाले घटेर २१ रुपैयाँ ४१ पैसामा आएको छ । यसको प्रतिसेयर नेटवर्थ १ सय ६३ रुपैयाँ ६८ पैसा छ । बेस रेट ९.८६% छ ।