एमालेले टुंगो लगायो रामेछापको ८ वटै स्थानीय तहका उम्मेदवार, उमाकुण्डमा शेर बहादुर सुनुवार पुनः दोहोरिदै
वि.सं.२०७९ वैशाख ११ आइतवार १२:०७
रामेछाप: वैशाख ३० गते हुने स्थानीय तहको निर्वाचनका लागि नेकपा एमालेले रामेछापको ८ वटै स्थानीय तहको प्रमुख/उपप्रमुखको उम्मेदवारी टुंगो लगाएको छ ।
उमाकुण्ड गाउँपालिकामा शेर बहादुर सुनुवार अध्यक्षमा पुनः दोहोरिएका छन् भने गोकुलगंगा गाउँपालिकामा पनि खड्ग बहादुर सुनुवार र राधिका श्रेष्ठलाई पुनः दोहोर्याएर उम्मेदवार बनाईएको छ ।
एमालेले मन्थली नगरपालिकाको नगर प्रमुखमा लव श्रेष्ठ उपप्रमुखमा ईश्वरी वस्नेत, रामेछाप नगरपालिकाको नगर प्रमुखमा रोशन पाख्रिन उपप्रमुखमा सीता खत्री, सुनापति गाउँपालिकाको अध्यक्षमा ज्ञान कुमार योञ्जन उपाध्यक्षमा रिता गौतम, दोरम्बा गाउँपालिकाको अध्यक्षमा टंक चौलागाई र उपाध्यक्षमा चाहिँ टुगो लागेको छने । खाँडादेवी गाउँपालिकाको अध्यक्षमा ज्ञान कुमार श्रेष्ठ उपाध्यक्षमा रमा घिसिङलाई उम्मेदवार बनाएको छ ।
यसैगरी लिखु तामाकोसी गाउँपालिकाको अध्यक्षमा कमल कडरिया उपाध्यक्षमा दीपा पाख्रिन, गोकुलगंगा गाउँपालिकाको अध्यक्षमा खड्ग बहादुर सुनुवार उपाध्यक्ष राधिका श्रेष्ठ, उमाकुण्ड गाउँपालिकाको अध्यक्षमा शेरबहादुर सुनुवार उपाध्यक्षमा गंगा कार्कीलाई उम्मेदवार बनाइएको छ ।
गत निर्वाचनमा रामेछाप नगरपालिकाबाट टिक पाएको रोशन पाख्रिन पनि यस पटक दोहारिएका छन् । अन्य स्थानीय तहमा भने एमालेले नयाँ अनुहारलाई उम्मेदवार बनाएको छ ।
वि.सं.२०७९ वैशाख ११ आइतवार १२:०७