अखबार नेपाल ट्रेन्डिङ

सुर्खेत: कर्णाली प्रदेशका मुख्यमन्त्री महेन्द्रबहादुर शाही विरुद्धको अविश्वासको प्रस्ताव अस्वीकृत भएको छ ।

मुख्यमन्त्री शाहीविरुद्ध प्रधानमन्त्री ओली पक्षका प्रदेशसभा सदस्यहरु लगायतले संसदीय दलमा १८ जना प्रदेशसभा सदस्यहरूले अविश्वासको प्रस्ताव यसअघि दर्ता गराएका थिए ।

दलको कार्यालयमा पेश भएको अविश्वासको प्रस्ताव बुधबार दलको बैठकमा निर्णयार्थ पेश भएको थियो ।

दलकी प्रमुख सचेतक सीता नेपालीले दलको कार्यालयमा पेश भएको अविश्वासको प्रस्ताव बहुमत सदस्यबाट अस्वीकृत भएको घोषणा गरिन् ।

अविश्वासको प्रस्तावको विपक्षमा १८ जना प्रदेशसभा सदस्यहरुले मत राखेका थिए ।

प्रचण्ड पक्षीय १० जना र माधव नेपाल पक्षीय ८ जना प्रदेशसभा सदस्य सहभागी रहेको दलको बैठकले अविश्वासको प्रस्ताव विफल पारेको छ ।

उता अविश्वासको प्रस्तावका लागि नेतृत्व गरेका ओली समूहका यामलाल कँडेल लगायतका नेताहरु भने संसदीय बैठकमा अनुपस्थित रहेका छन् ।

नवनियुक्त दलका प्रमुख सचेतक र सचेतकले पदभार ग्रहण समेत गरेका छन् ।