अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयले बाँके र रुपन्देहीमा एक-एकजनामा कोरोना संक्रमण पुष्टि भएको जनाएको छ । शुक्रबार नियमित पत्रकार सम्मेलनमा मन्त्रालयका प्रवक्ता डा. विकास देवकोटाले रुपन्देहीमा २५ वर्षीय र नेपालगन्जमा ६० वर्षीय पुरुषमा कोरोना पुष्टि भएको भन्दै उनीहरुसमेत गरी हाल ४३ जना संक्रमितहरु उपचारमा रहेको बताए ।

यस्तै, हालसम्म ४७ हजार ७ सय ९७ जनाको ‘आरडीटी’ र १२ हजार ५ सय ७७ जनाको ‘पीसीआर’ परीक्षण भएको पनि डा. देवकोटाले जानकारी दिए । देशभर २४ हजार ९ सय ७ जना ‘क्वारेन्टाइन’मा र ९४ जना ‘आइसोलेसन’मा रहेको उनले जानकारी दिए ।