अखबार नेपाल ट्रेन्डिङ

काठमाडौं: रामेछापको उमाकुण्ड गाउँपालिकाको वडा नम्बर ४, ५ र ७ मा सिमा विवादको विषय चरम् उत्कर्षमा पुगेको छ । सिमा विवादको विषयलाई लिएर आज वडा नम्बर ४ का बुद्धिजिवि र वडाका स्थानीय युवाबीच सिमा विवादको विषयमा छलफल भएको थियो ।

छलफलबाट पालिकाले सिमा विवादलाई चाँडोभन्दा चाँडो समस्या समाधान गर्न/गराउनका लागि संघर्ष समिति समेत गठन गरेको छ । संघर्ष समितिले गाउँपालिकालाई सिमा विवादको विषयलाई समाधानको लागि ध्यानाकर्षण गराउने र यदि समस्याको लागि कुनै पहल नभए आन्दोलनको समेत घोषणा गर्ने छलफलबाट निष्कर्ष निकालेको छ ।

छत्र लामिछानेको संयोजकत्वमा गठन भएको समितिमा सञ्जय सुनुवार, बेग बहादुर श्रेष्ठ, टंक बहादुर सुनुवार, विज्ञान खत्री, डम्बर बस्नेत, श्याम बस्नेत, मिलन मगर र ईश्वर कार्की सहित ९ जनाको संघर्ष समिति गठन गरेको छ ।