अखबार नेपाल ट्रेन्डिङ

काठमाडौं: पूर्वराजा ज्ञानेन्द्र शाह आइतबार भक्तपुर पुगेका छन् । शाहका संवाद सचिव फणिन्द्र पाठकका अनुसार पूर्वराजा शाह भक्तपुरवासीको निमन्त्रणामा भक्तपुर पुगेका हुन् ।

शाह भक्तपुर पुग्दा स्थानीयहरूले नेपालको राष्ट्रिय झण्डासहित स्वागत गरेका थिए । उनले भक्तपुर दरबार क्षेत्रको अवलोकन गर्नुका साथै तलेजु भवानीको दर्शनसमेत गरेका थिए । उनको स्वागतमा स्थानीय जनताको ठूलै भिड जम्मा भएको थियो ।

धेरैले जातीय पहिरन लगाएका थिए भने स्थानीयको भिडमा महिला र वृद्धवृद्धाको ठूलो संख्यामा उपस्थिति रहेको थियो । भिड छिचोल्न सुरक्षाकर्मी र स्वयम्सेवकलाई सकस परेको थियो । स्थानीय जनताले राजसंस्थाको पक्षमा नाराबाजी गरेका थिए । ‘हाम्रो राजा हाम्रो देश प्राणभन्दा प्यारो छ’ ‘राजसंस्था जिन्दावाद’, ‘राजा आऊ देश बचाऊ’ ‘जनता आऊ राजा ल्याऊ’ जस्ता नारा जनताले लगाउँदा पूर्वराजाको अनुहारमा मुस्कान देखिन्थ्यो ।