अखबार नेपाल ट्रेन्डिङ

ओखलढुंगा: ओखलढुंगाको चम्पादेवी गाउँपालिका-८ मा गएराति वर्षासँगै झरेको पहिरोले ३ घर बगाउँदा एकै घरका ३ जनाको मृत्यु भएको छ भने १ जना बेपत्ता बेपत्ता भएका छन् ।

जिल्ला प्रहरी कार्यालय ओखलढुंगाका अनुसार स्थानीय ३६ वर्षीय रणबहादुर गुरुङ र उनकी १८ महिनाकी छोरी कृतिका गुरुङको शव पुरिएको अवस्थामा फेला पारेर बाहिर निकालिसकिएको जनाएको छ ।

रणबहादुरकै श्रीमती २९ वर्षीय शिवमाया गुरुङको शव पहिरोले पुरिएको अवस्थामा फेला पारेपछि निकाल्ने कार्य भइरहेको प्रहरीले जनाएको छ । रणबहादुरका १० वर्षीय छोरा दिनेश गुरुङ भने हालसम्म वेपत्ता रहेको र उनको खोजी कार्य जारी रहेको प्रहरीले जनाएको छ ।

पहिरोबाट स्थानीय रणबहादुर गुरुङ, बलबहादुर गुरुङ र जरसिंह गुरुङको घर बगाएको छ भने अन्य दर्जनौं घरमा क्षति पुगेको छ । पहिरोले रणबहादुरको परिवारमा मानवीय क्षति भएपनि अन्य घरका परिवार भागेर बच्न सफल भएको प्रहरीले जनाएको छ ।