धारिलो हतियार प्रहार गरी धनुषामा एक महिलाको हत्या
वि.सं.२०७९ मंसिर २६ सोमवार १०:२९
जनकपुरधाम: धनुषामा धारिलो हतियार प्रहार गरी एक महिलाको विभत्स हत्या भएको छ । धनुषाको बटेश्वर गाउँपालिका-५ शान्तिपुरका विरेन्द्र यादवकी श्रीमती २७ वर्षीया रिता देवी यादवको हत्या भएको हो ।
प्रहरीका अनुसार गएराति ११ बजेको समयमा घरमा सुतिरहेकी रितामाथि अज्ञात समूहले घरको बिजुली काटेर धारिलो हतियार प्रहार गरी रितादेवी यादवको हत्या गरिएको बताईएको छ ।
गम्भीर घाइते रिताको उपचारको क्रममा जनकपुरधाम स्थित काव्य हस्पिटलमा मृत्यु भएको इलाका प्रहरी कार्यालय सखुवा महेन्द्रनगरका प्रहरी निरीक्षक बेचन यादवले जानकारी दिए ।
उनका अनुसार श्रीमान् विरेन्द्र शंकाको घेरमा छन् । घटनास्थलमा प्रहरी पुगेर अनुसन्धान गरिरहेको प्रहरीले जनाएको छ । श्रीमानलाइ पक्राउ गरेर अनुसन्धान अगाडि बढाइएको प्रहरीले बताएको छ ।
वि.सं.२०७९ मंसिर २६ सोमवार १०:२९