अखबार नेपाल ट्रेन्डिङ

चितवन: भरतपुर महानगरपालिकामा ५ दलीय गठबन्धनका तर्फबाट मेयर पदमा नेकपा माओवादी केन्द्रकी रेनु दाहालले १० हजार ८९४ मत अन्तरले अग्रता लिएकी छन् ।

उनले ४५ हजार ८८७ मत प्राप्त गर्दा नेकपा एमालेका विजय सुवेदीले ३४ हजार ९३७ मत प्राप्त गरेका छन् ।

स्वतन्त्र उम्मेदवार जगन्नाथ पौडेलले १३ हजार ९३७ मत प्राप्त गरेका मुख्य निर्वाचन अधिकृतको कार्यालयले जनाएको छ ।

उपप्रमुखमा चित्रसेन अधिकारीले ४६ हजार ९१३ मत प्राप्त गरेका छन् । उपप्रमुखमा राप्रपाकी हिमला गुरुङले २७ हजार ५५५ मत प्राप्त गरेका छन् ।

भरतपुरमा एक लाख २७ हजार ८३९ मत खसेको छ । भरतपुरमा अहिलेसम्म २४ वडाको मतगणना सम्पन्न भएको छ । २९ वडा रहेको यस पालिकाको मतगणना आज रातिसम्ममा सम्पन्न हुने अनुमान गरिएको छ ।