अखबार नेपाल ट्रेन्डिङ

काठमाडौं: नेपाली कांग्रेसले अमेरिकी अनुदान सहयोग सम्बन्धी सम्झौता एमसीसी सम्बन्धी भ्रम चिर्नका लागि पुस्तक प्रकाशन गरेको छ ।

नेपाली कांग्रेस केन्द्रीय कार्यालयले मिलिनियम च्यालेन्ज कर्पोरेशन (एमसीसी)को ४९ पृष्ठ लामो अनुदान एमसीसी सहायता सम्झौता: भ्रम र यथार्थ नामक पुस्तक प्रकाशन गरेको हो ।

पुस्तिकामा पहिलो खण्डमा ११ प्रश्नको निराकरण समावेश गरिएको छ भने दोस्रो खण्डमा एमसीसीबारेको भ्रम चिर्ने प्रयास कांग्रेसले गरेको छ ।

पुस्तकमा कांग्रेसले एमसीसी अनुमोदन अघिको एक दशक लामो सम्झौता प्रक्रियामा संलग्न केही पार्टी र नेताहरुले दोहोरो चरित्र देखाएकाले एमसीसी गिजोलिएको उल्लेख गरेको छ ।

जसले गर्दा वास्तविकता र आवश्यकताभन्दा एमसीसी जटिल बनेको कांग्रेसले उल्लेख गरेको छ । ‘केही पात्रहरुको दोहोरो प्रवृत्तिका कारण यो विषय यसरी गिजोलिन पुग्यो जसले गर्दा वास्तविकता र आवश्यकता भन्दा धेरै जटिल बन्न गयो । ज–जसले यसलाई गिजोले, जनतामा भ्रम सृर्जना गरे, उत्तेजनाको राजनीति गरे र जुन दोहोरो चरित्र देखाए यसको मूल्याङ्कन आम जनताले गर्ने नै छन्’ पुस्तकमा उल्लेख गरिएको छ ।

पुस्तकमा एमसीसी सैन्य रणनीति नभएको, नेकपा माओवादी केन्द्र र एमालेको एमसीसी अनुदान सम्झौता र त्यसपछिका दिनहरुमा भूमिका लगायतका विषयमा उल्लेख गरेको छ ।

चुनावी अभियानमा होमिएको कांग्रेसले एमसीसीको बारेको भ्रम चिर्नका लागि उक्त पुस्तक वडा-वडासम्म पुर्‍याउने जनाएको छ ।

हेर्नुहोस् बिस्तृतमाः