अखबार नेपाल ट्रेन्डिङ

एजेन्सी: क्रिस्टियानो रोनाल्डोको उत्कृष्ट हेड गोलमा सिरि ए फुटबलमा युभेन्ट्सले जित निकालेको छ । बुधराति भएको खेलमा युभेन्ट्सले साम्पोडियालाई २–१ गोल अन्तरले पराजित गरेको छ । खेलमा अग्रता युभेन्ट्सले पाउलो ड्याबालाको गोलबाट १९ औं मिनेटमा लिएको थियो ।

घरेलु टोली साम्पोडियाका जियानलुका कापरारीले ३५ औं मिनेटमा बराबरी गोल फर्काएका थिए । ४५ औ मिनेटमा रोनाल्डोले गोल गर्दै युभेन्ट्सलाई अगाडी बढाएका थिए । रोनाल्डोको सोही हेड गोल युभेन्ट्सलाई सिरि एमा तीन अंकको अग्रता दिलाउन पर्याप्त रह्यो । जितसंगै शीर्ष स्थानको युभेन्ट्सले ४२ अंक जोडेको छ ।