अखबार नेपाल ट्रेन्डिङ

काठमाडौं: दशरथ रंगशालामा आज केपी ओली कप फुटबल प्रतियोगिताको पहिलो सेमिफाइनल खेल हुँदैछ । सहिद स्मारक ‘ए’ डिभिजन लिग टोली त्रिभुवन फुटबल आर्मी क्लब र संकटा एफसीबीच प्रतिष्पर्धा हुँदैछ । यी दुईबीचको खेल साँझ ५ बजे सुरु हुनेछ ।

संकटाले एपीएफ फुटबल क्लबलाई टाइब्रेकरमा ५-३ ले हराउँदै अन्तिम चारको यात्रा तय गरेको हो भने अर्को विभागीय टोली नेपाल पुलिस क्लबलाई २-० गोल अन्तरले हराउँदै आर्मी अन्तिम चारमा पुगेको हो । दोस्रो सेमिफाइनल शनिबार साविक विजेता मच्छिन्द्र एफसी र आयोजकको टोली केपी एफसीबीच हुनेछ ।

राष्ट्रिय युवा संघ नेपालको‌ आयोजना जारी प्रतियोगिताले विजेताले १५ लाख ११ हजार ११ हजार १ सय ११ र उपविजेताले ५ लाख रुपैयाँ पाउनेछ । प्रतियोगिताको सर्वोत्कृष्ट खेलाडीले १ लाख, उत्कृष्ट गोलकिपर, सर्वाधिक गोलकर्ता र उदीयमान खेलाडीले समान ५० हजार रुपैयाँ पाउनेछन् ।