अखबार नेपाल ट्रेन्डिङ

काठमाडौं: केपी ओली कप फुटबल प्रतियोगिता अन्तर्गत आज सातदोबाटोस्थित एन्फा कम्प्लेक्समा पहिलो खेल एपिएफ एफसी र संकटा एफसीबीच हुनेछ भने दोस्रो खेल मछिन्द्र एफसी र ट्रान्सपोर्ट युनाइटेड एफसी भुटानबीच प्रतिस्पर्धा हुनेछ ।

सातदोबाटोस्थित एन्फा कम्प्लेक्स मैदानमा हुने पहिलो खेलमा एपीएफ एफसी र संकटा एफसीबीचको खेल बिहान ११:३० बजे सुरु हुनेछ । एपीएफ लगातार तेस्रो दिन खेल्दैछ । आइतबार केपी ओलीको उद्घाटन खेलमा उज्वेकिस्तानको ब्ल्याक बुल्स एफसीलाई टाइब्रेकरमा‌ पराजित गरेको थियो । हिजो भद्रपुर झापा गोल्डकपमा भुटानको‌ डागा युनाइटेडसँग ३-२ ले पराजित भयो ।

आजै दिउँसो ३ बजे सुरु हुने खेलमा मछिन्द्र एफसी र ट्रान्सपोर्ट युनाइटेड एफसी भुटानबीच प्रतिस्पर्धा हुनेछ । मच्छिन्द्र पनि लगातार दोस्रो दिन खेल्दैछ । हिजो बागमती गोल्डकपको फाइनल खेलेको मच्छिन्द्र चर्च ब्वाइजसँग १-० ले पराजित भएको थियो । केपी ओली कपमा हिजो भएको दुई खेलमा आयोजक टोली र त्रिभुवन आर्मी फुटबल क्लब केपी विजयी हुँदै सेमिफाइनल पुगेका थिए । केपी ओली एफसीले एनआरटीलाई १-० र आर्मीले नेपाल पुलिस क्लबलाई २-० ले हराएको थियो ।

राष्ट्रिय युवा संघ नेपालको आयोजनामा जारी प्रतियोगिताको विजेताले १५ लाख ११ हजार १ सय ११ र दोस्रो टोलीले ५ लाख रुपैयाँ पाउनेछन् ।