अखबार नेपाल ट्रेन्डिङ

एजेन्सीः फ्रान्सेली क्लब ब्रेस्टलाई ३-० गोल अन्तरले पराजित गर्दै बार्सिलोनाले च्याम्पियन्स लिगमा महत्त्वपूर्ण जित हासिल गरेको छ । जितमा रोबर्ट लेवान्डोस्कीले दुई गोल गरे । बार्सिलोना १२ अंकसहित तालिकाको दोस्रो स्थानमा उक्लिएको छ ।

खेलको १०औं मिनेटमा ब्रेस्टका गोलकिपर मार्को बिजोटको फाउलपछि पेनाल्टी पाएका लेवान्डोस्कीले पहिलो गोल गरेका थिए । दोस्रो हाफमा बार्सिलोनाले लगातार मौका सिर्जना गरे पनि केही अवसर चुकाएको थियो । खेलको अतिरिक्त समयमा लेवान्डोस्कीले अलेजान्ड्रो बाल्डेको पासमा गोल गर्दै आफ्नो दोस्रो गोल पूरा गरे ।

बार्सिलोनाले अब ला लिगामा लास पाल्मास, मालोर्का, र रियल बेटिसविरुद्ध खेल्नेछ । च्याम्पियन्स लिगमा डिसेम्बर ११ मा बोरुसिया डर्टमुन्डको सामना गर्ने तालिका छ । बार्सिलोना हाल घरेलु लिगमा रियल मड्रिडभन्दा चार अंकले अघि छ ।