अखबार नेपाल ट्रेन्डिङ

काठमाडौं: आईसीसी टी-२० विश्वकप क्रिकेटमा आज उपाधिका लागि भारत र दक्षिण अफ्रिकाबीच भिडन्त हुँदैछ । यो दुईबीचको भिडन्त नेपाली समय अनुसार बेलुकी सवा ८ बजे हुनेछ ।

दक्षिण अफ्रिका पहिलो पटक विश्वकपको फाइनल पुगेको हो भने भारत पनि १० वर्षपछि टी–२० विश्वकपको फाइनलमा पुगेको हो । फाइनलमा यो दुई टोलीबीचको खेल निकै प्रतिस्पर्धात्मक हुने अनुमान गरिएको छ ।

सन् २००७ मा टी-२० विश्वकपको उपाधि उचालेको भारतलाई १७ वर्षपछि इतिहास रच्ने सुनौलो मौका छ । पहिलो सेमिफाइनलमा दक्षिण अफ्रिकाले पहिलोपटक विश्वकपको सेमिफाइनल खेलेको अफगानिस्तानलाई हराउँदै फाइनले यात्रा तय गरेको हो । सेमिफाइनलमा इंग्ल्याण्डलाई पराजित गर्दै भारत फाईनलमा पुगेको हो ।