अखबार नेपाल ट्रेन्डिङ

काठमाडौं: नेपाल सुपर लिग (एनएसएल)को फाइनल प्रवेशका लागि आज पोखरा थन्डर्स र ललितपुर सिटी एफसीबीच कडा प्रतिष्पर्धा हुँदैछ । खेल दशरथ रंगशालामा खेल साँझ ५:३० बजे हुनेछ ।

एलिमिनेटरमा साबिक विजेता काठमाडौं रेजर्समाथि एक पक्षीय जित हात पारेको ललितपुर  र धनगढीसँग पराजित  पोखराबीचको खेल निकै रोमाञ्चक हुने अपेक्ष गरिएको छ । गत सोमबार शीर्ष दुई टिम पोखरा र धनगढीबीचको पहिलो क्वालिफायर जारी सिजनकै उत्कृष्ट खेल बन्यो । धनगढीले पोखराको दुई पटकको अग्रता उल्ट्याउँदै खेल टाई ब्रेकरमा पुर्‍यायो । पोखराका लागि सुरुवाती गोल गरेका आयुष घलान पेनाल्टीमा चुके । अतिरिक्त समयको अन्तिम मिनेटमा जोगिन नसक्दा पोखरा स्तब्ध बन्यो ।

ललितपुरले एलिमिनेटरमा साबिक विजेता काठमाडौंविरुद्ध ३-० को सहज जित हात पार्‍यो । लिगको अन्तिम खेलमा काठमाडौंले ललितपुरलाई नै १-० ले हराएको थियो । यी दुई टिमबीच अहिलेसम्म भएका दुई भेट गोलरहित बराबरीमा सकिएका छन् । यो खेल जित्ने टिमले पहिलो पटक फाइनलमा स्थान बनाउनेछ । फाइनल खेल शनिबार हुनेछ ।