अखबार नेपाल ट्रेन्डिङ

काठमाडौं: भारतमा आयोजना हुने साफ च्याम्पियनसिपका लागि नेपाली टोलीमा पहिलो चरणका लागि ३० खेलाडी छानिएका छन् । प्रतियोगिताका लागि सुरुआतमा ३० खेलाडी चुनिएका हुन् ।

मुख्य प्रशिक्षक भिन्सेन्जो अल्बेर्टो एन्सेले शहिद स्मारक ‘ए’ डिभिजन लिग खेलमा खेलाडीले गरेको प्रदर्शनको आधारमा खेलाडीलाई राष्ट्रिय टिमको अन्तिम ३० भित्र राखेका छन् ।

जारी ए डिभिजन लिगकै विश्रामको दिन पारेर मुख्य प्रशिक्षक एन्सेले रणनीतिक प्रशिक्षण दिदै आएका छन् । साफ च्याम्पियनसिपका लागि भनेर उनले नियमित प्रशिक्षण समेत गराउन पाएका छन् ।

आउँदो २७ जेठभित्र लिग सक्ने एन्फाको तयारी छ । त्यसको करिब १० दिनभित्र साफ सुरु हुन्छ । नेपाल यो संस्करणको साफमा बलियो समूमा परेको छ । नेपाल यसपटक भारत, कुवेत र पाकिस्तानसँग समूह समूह ‘ए’ मा रहेको छ । अघिल्लो संस्करणमा नेपालले भारतविरुद्धको फाइनल पराजित भएको थियो ।

अर्को समूहमा लेबनान, माल्दिभ्स, भुटान र बंगलादेश रहेका छन् । दक्षिण एसिया बाहिरका लेबनान र कुवेत पहिलो पटक साफ च्याम्पियनसिपमा भाग लिदैछ ।

प्रारम्भिक नेपाली टोली

गोलकिपरः किरण चेम्जोङ (पन्जाब एफसी), दीप कार्की (मनाङ), विशाल श्रेष्ठ (मछिन्द्र)

डिफेन्डरः विमल पाण्डे (त्रिभुवन आर्मी), सनिश श्रेष्ठ (एपिएफ), अनन्त तामाङ (चर्च ब्वाइज), देवेन्द्र तामाङ (मछिन्द्र), निशान्त खड्का (संकटा), आशिष गुरुङ (मनाङ), विक्रम लामा (थ्री स्टार), रोहित चन्द (प्रेसिक केडिर), सिमान्त थापा (जावलाखेल), अन्जल महर्जन (फ्रेन्ड्स)

मिडफिल्डरः पुजन उपरकोटी (मछिन्द्र), एरिक विष्ट (चर्च ब्वाइज) , नविन लामा (एपिएफ), मणीकुमार लामा (एपिएफ), सुदीप गुरुङ (सातदोबाटो), लाकेन लिम्बु (थ्री स्टार), आभाष लामिछाने (एपिएफ), विशाल तामाङ (जावलाखेल)

फरवार्डः आषुश घलान (संकटा), नवयुथ श्रेष्ठ (आर्मी), दीपकराज सिंह ठकुरी (सातदोबाटो), अन्जन विष्ट (चर्च ब्वाइज), मनीष डाँगी (संकटा), आशिष चौधरी (चर्च ब्वाइज), विमल घर्ती मगर (मछिन्द्र), जिलेस्पीजंग कार्की (आर्मी), दीनेश हेन्जन (आर्मी)