अखबार नेपाल ट्रेन्डिङ

एजेन्सी: आईसीसी विश्वकप क्रिकेटमा आज न्युजिल्याण्ड र पाकिस्तानबीच प्रतिस्पर्धा हुँदैछ । पाकिस्तानविरुद्व जित निकाल्दै न्युजिल्याण्ड दुई खेल अगावै सेमिफाईनल यात्रा तय गर्न चाहन्छ ।

निकै फर्ममा देखिएको न्युजिल्याण्डले पाकिस्तानविरुद्व सहज जित निकाल्ने दाउमा छ । तर सेमिफाईनल पुग्ने सम्भावना बलियो बनाउन पाकिस्तानलाई अन्तिम मौका छ । उसलाई अन्तिम ४ को यात्रा तय गर्न बाँकी खेल जित्नैपर्ने दबाब छ ।

पाकिस्तानले आफ्नो पछिल्लो खेलमा दक्षिण अफ्रिकालाई हराएको थियो । न्युजिल्याण्डले वेस्ट ईन्डिजमाथि रोमाञ्चक जित निकालेको थियो । सेमिफाईनल पुग्न पाकिस्तानले आगामी तीन खेल जित्नुपर्ने समिकरण तय छ । न्युजिल्याण्ड लगत्तै पाकिस्तानले बंगलादेश र अफगानिस्तानलाई हराउनुपर्नेछ । यता श्रीलंकालाई हराउँदै प्रतियोगिताको सुरुवात गरेको न्युजिल्याण्डको जितको यात्रा जारी छ ।

न्युजिल्याण्ड ६ खेलबाट ११ अंक सहित तालिकाको दोस्रो स्थनमा छ । पाकिस्तान ५ अंक सहित सातौ स्थानमा छ ।