अखबार नेपाल ट्रेन्डिङ

कर्णाली: नेत्रबिक्रम चन्द विप्लव नेतृत्वको नेकपाका कार्यकर्ताहरुले कालिकोटको नरहरीनाथ गाँउपालिका आगजानी गरेका छन् । गएराती करीव एक बजे नरहरीनाथ गाँउपालिकामा आएको ठुलो समुहले गाँउपालिका कार्यालयका साथै दुई वटा वडा कार्यालयका समेत कागजातहरु आगजानी गरेका हुन् ।

जिल्ला प्रहरी कार्यालय कालिकोटका प्रमूख बिनोद शर्माले बिप्लव समुहका कार्यकर्ताहरुले गएराती एक बजेतिर नरहरीनाथ गाँउपालिकाको कार्यालयको प्रमूख प्रशासकिय अधिकृतको कार्यकक्षको झ्याल फोडी पेट्रोल खन्याएर आगजानी गरेको जानकारी दिए । उनका अनुसार सुतिरहेको बेला गाँउपालिकामा भएको आगजानी इलाका प्रहरी चौकी कुमालगगाँउका प्रहरीहरु र स्थानिय नागरिकहरुले नियन्त्रणमा लिएको बताए ।

आगजनीबाट गाँउपालिकाको भौतिक तथा अन्य अभिलेखहरु नष्ट भएको छ । क्षेतीको एकिन बिबरण भने आइनसकेको बताइएको छ । गाँउपालिकाको वडा नं. ६ माल्कोट कार्यालय र वडा नं. ५ रुप्सामा रहेको वडा कार्यालयका कागजातहरु पनि जलाएको प्रहरीले जनाएको छ ।

प्रहरीले बिप्लव समुहका नेता तथा नन्दादेवी माविका बिद्यालय व्यवस्थापन समितिका अध्यक्ष अर्जुन बिकको नेतृत्वमा आएको टोलीले नरहरीनाथ गाँउपालिकाका साथै दुई वडा वडा कार्यालयमा रहेका कागजातहरु जलाएको जानकारी दिदैं आगजानीमा संलग्नहरुको तिब्र रुपमा खोजीकार्य भईरहेको बताएको छ ।