अखबार नेपाल ट्रेन्डिङ

काठमाडौं: नेपाली फुटबल लिग च्याम्पियन मनाङ मस्र्याङदीले एएफसी कप अन्तर्गत समूह चरणको अन्तिम खेलमा आज चेन्नाईन एफसीको सामना गर्दैछ ।

सातदोबाटोस्थित एन्फा कम्प्लेक्सको मैदानमा आज एएफसी कपको समूह चरणको अन्तिम खेलमा मनाङ मर्स्याङ्दी क्लबले भारतको सुपर लिग च्याम्पियन चेन्नाईयिन एफसीसंग खेल्न लागेको हो । यसअघि समूह चरणमा मनाङले कुनैपनि खेल जित्न सकेको छैन । समूह इ मा रहेको मनाङले ५ खेलमा २ अंक जोडेको छ । मनाङ समूहको पुछारमा छ ।

मनाङको लागि आज हुने चेन्नाइनसँगको खेल प्रतिष्ठा जोगाउने खेलको रुपमा मात्र रहनेछ । चेन्नाईन भने मनाङलाई पराजित गर्दै अर्को चरणमा पुग्ने प्रयासमा हुनेछ । चेन्नईयिन ८ अंक जोडेर दोस्रो स्थानमा स्थानमा छ । मनाङले यसअघि चेन्नाईनसँग अवे खेलमा २ शुन्यको हार व्यहोरेको थियो ।