चार देश सम्मिलित टि-20 सिरिजको दोस्रो खेलमा नेपाल युएईसँग २५ रनले पराजित
वि.सं.२०७८ माघ २९ शनिवार १५:४१
3.5K
shares
काठमाडौं: चार देश सम्मिलित टि-20 सिरिजको दोस्रो खेलमा नेपाल युनाइटेड अरव इमिरेट्स (युएई) सँग २५ रनले पराजित भएको छ ।
युएईसँग १९३ रनको विजयी लक्ष्य पछ्याएको नेपालले निर्धारित २० ओभरमा ५ विकेट गुमाउँदै १६७ रन बनायो ।
नेपालका दीपेन्द्रसिंह ऐरीले ३३ बलमा ५ चौकासहित सर्वाधिक ४१ रन बनाए ।
ओपनर आसिफ शेख २९ बलमा ४ चौका र १ छक्कासहित ३४ र डेब्यू खेल खेलेका लोकेश बम २१ बलमा २ चौका र २ छक्कासहित ३३ रनमा क्याच आउट भए ।
नेपाललाई ओपनर आसिफ शेख र ज्ञानेन्द्र मल्लले पहिलो विकेटका लागि ६ ओभरमा ५३ रनको साझेदारी गर्दै राम्रो सुरुवात दिलाएका थिए ।
ज्ञानेन्द्र मल्ल १९ बलमा २ चौका र १ छक्कासहित २२ रनमा क्याच भए ।
ज्ञानेन्द्र छैटौं ओभरको अन्तिम बलमा मुहम्मद वासिमबाट क्याच आउट हुन पुगे ।
लोकेश बमले व्यक्तिगत ६ रनमा जहुर खानले क्याच ड्रप गरेपछि जीवनदान पाएका थिए ।
युएईका रोहन मुस्तफाले ४ ओभरमा २६ रन खर्चेर २ विकेट लिए । कासिफ दाउदले २ र जुनैद सिद्दिकले १ विकेट लिए ।
त्यसअघि टस हारेर ब्याटिङ थालेको युएईले २० ओभरमा ३ विकेट गुमाउँदै १९२ रन बनाएको थियो ।
युएईका ओपनर चिराग सुरीले ५३ बलमा ५ चौका र ५ छक्कासहित सर्वाधिक ८४ रनको अविजित उत्कृष्ट इनिङ खेले ।
सुरीले ३६ बलमा अर्धशतक पूरा गरेका थिए । दोस्रो विकेटका लागि सुरी र रोहन मुस्तफाले ९७ रनको उत्कृष्ट साझेदारी गरेका थिए ।
मुस्तफा आरिफ शेखको १४ औं ओभरको तेस्रो बलमा विकेटकिपर आसिफ शेखबाट स्टम्पिङ आउट भए ।
मुस्तफा ३५ बलमा ५ चौका र २ छक्कासहित ४९ रनमा शेख दाजुभाइको शिकार बन्न पुगे ।
ओपनर चिराग सुरी र मोहम्मद वासिमले पहिलो विकेटका लागि ३.३ ओभरमा २३ रन जोडेका थिए ।
मोहम्मद वासिम १३ बलमा १ चौका र २ छक्कासहित २२ रनमा क्याच भए ।
तेस्रो ओभरको तेस्रो बलमा स्पिनर साहब आलमलाई लगातार तेस्रो छक्का हान्ने धुनमा दीपेन्द्रसिंह ऐरीबाट लङअफमा क्याच हुन पुगेका थिए ।
मोहम्म बुटा ८ बलमा १ चौका र १ छक्कासहित १४ रनमा अविजित रहे ।
बासिल हमिदलाई सन्दीप लामिछानेले १७ रनमा बोल्ड आउट गरे ।
नेपालका कप्तान सन्दीप लामिछानेले ४ ओभरमा २३ रन खर्चेर १ विकेट लिए ।
आरिफ शेखले २ ओभरमा १७ रन खर्चेर १ विकेट लिए ।
साहब आलमले २ ओभरमा ३५ रन खर्चेर १ विकेट लिन सफल रहे ।
नेपालले पहिलो खेलमा ओमानलाई ६ विकेटले पराजित गरेको थियो ।
नेपालले चार देश सम्मिलित टि-२० आई सिरिजमा अन्तिम खेल सोमबार आयरल्यान्डसँग खेल्नेछ ।
वि.सं.२०७८ माघ २९ शनिवार १५:४१
वि.सं.२०८३ कात्तिक २० शुक्रवार १५:४४
काठमाडौं: सुझबुझपूर्ण र दूरदर्शी कमाण्ड अनि हरेक ट्राफिक काम-कारबाहीलाई सिर्जनशील,...
वि.सं.२०८३ कात्तिक १८ बुधवार १५:०६
भक्तपुरः देशका विभिन्न भागमा छरिएर रहेका ऐतिहासिक तथा पुरातात्त्विक सम्पदाहरूको...
वि.सं.२०८३ कात्तिक १८ बुधवार १३:०१
काठमाडौं: नेपाल बीमा प्राधिकरणले ‘इन्जिनियरिङ बीमासम्बन्धी निर्देशन, २०८३’ को मस्यौदा...
वि.सं.२०८३ कात्तिक १८ बुधवार १२:५६
काठमाडौं: नबिल बैंकले नगद लाभांश प्राप्त नगरेका सेयरधनीलाई आवश्यक प्रक्रिया...
वि.सं.२०८३ कात्तिक १८ बुधवार १२:५२
काठमाडौं: महालक्ष्मी विकास बैंकले देशका विभिन्न चार शाखा कार्यालय स्थानान्तरण...
वि.सं.२०८३ कात्तिक १८ बुधवार १२:४९
काठमाडौं: नेपाल बैंक लिमिटेडका क्रेडिट कार्डबाहकले अब शून्य डाउन पेमेन्टमा...
