अखबार नेपाल ट्रेन्डिङ

काठमाडौं: बंगलादेशमा आयोजना हुने एसियन सिनियर सेन्ट्रल जोन पुरुष तथा महिला भलिबल च्यालेन्ज कपमा सहभागिता जनाउन नेपाली टोली ढाका प्रस्थान गरेका छन् ।

नेपाली टोलीलाई भलिबल संघले आइतबार नै बिदाई गरेको थियो ।

प्रतियोगितामा पुरुषतर्फ ५ र महिलातर्फ ६ राष्ट्रले सहभागिता जनाउने छन् ।

पुरुषमा आयोजक बंगलादेश, नेपाल, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् ।

महिलामा आयोजक  बंगलादेश, नेपाल, किर्गिस्तान, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् ।

राउण्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछ ।

यस्तै तेस्रो र चौंथो टोलीले तेस्रो स्थानको लागि प्रतिस्पर्धा गर्नेछ ।

सेन्ट्रल जोन खेल्ने नेपाली पुरुष टोलीः

ईम राना मगर (कप्तान), मान बहादुर श्रेष्ठ, भैरव बहादुर बम, हरि हजुर थापा, धनबहादुर भट्ट क्षेत्री, शरण समारी क्षेत्री, राजेन्द्र विष्ट, टेकराज अवस्थी, दुर्गा बहादुर खड्का, विशाल विक, विनोद चन्द, हरि बहादुर अधिकारी ।

सेन्ट्रल जोन खेल्ने नेपाली महिला टोलीः

अरुणा शाही (कप्तान), प्रतिभा माली, सरस्वती चौधरी, शान्ति थारु, कृपा अधिकारी, सलिना श्रेष्ठ, उषा भण्डारी, कामना विष्ट, सफिया पुन, मनिषा चौधरी, लक्ष्मी चन्द, सुनिता खड्का ।