अखबार नेपाल ट्रेन्डिङ

एजेन्सीः युरोकप अन्तर्गत दुई हेभिवेट पोर्चुगल र जर्मनी प्रतिस्पर्धामा

उत्रिदैछन् ।

युरोकप पहिलो खेलमा फ्रान्ससँग १–० ले पराजय व्यहोरेको जर्मनी जितको लागि दवाबमा हुनेछ ।

हंगरीविरुद्ध जित निकालेको पोर्चुगल दोस्रो खेलमा जित निकाल्दै अन्तिम १६ मा स्थान बनाउने

रणनीति लिएर मैदानमा उत्रनेछन् ।

पोर्चुगलले जर्मनीमाथि पछिल्लो पटक सन् २००० को युरो कपमा विजय हासिल गरेको थियो ।

जर्मनको घरेलु मैदान एलिनाज एरिनामा पाहुना टोली पोर्चुगलसँग बेलुकी ९ः४५ बजे खेल सुरु हुनेछ ।

यो खेल प्रति फुटबल समर्थकको चासो अत्याधिक रहनेछ ।

युरो कपको सर्वाधिक गोलकर्ता पोर्चुगलका किर्तीमानी स्ट्राइकर रोनाल्डोले जर्मनीविरुद्ध हालसम्म गोल गर्न सकेका छैनन् ।

जर्मनीका प्रशिक्षक जोआसिमको टीमले मुख्य प्रतियोगितामा पाँचौं पटक पोर्चुगलविरुद्ध खेल्दैछ ।

पछिल्ला ठूला खेलका नजिता हेर्दा पोर्चुगल जर्मनीको प्रतिस्पर्धीु देखिन्छ ।

पोर्चुगललाई आफ्नो पक्षमा नतिजा ल्याउन जर्मनीकै मैदानमा कठिन हुने पनि देखिन्छ ।

पोर्चुगलका प्रशिक्षक फर्नान्डो सान्टोस दुवै टिम एकअर्कालाई हराउन सक्षम भएकाले यसलाई सम्मान गर्नपर्ने बताउँछन् ।

हामी जर्मनीसँग डराएको छैन ।

दुवै टिमले एकअर्कालाई सम्मान गर्नुपर्छ ।

किनभने दुवै टिममा खेलका लागि निर्णायक बन्न सक्ने शक्तिहरु छन् ।

पोर्चुगिच प्रशिक्षक सान्टोसले भनेका छन् ।

जर्मनीका प्रशिक्षक जोआसिमले पोर्चुगलमा रोनाल्डो बाहेक पनि खेलमा निर्णायक बन्न सक्ने केही खेलाडी रहेकाले सजग हुनुपर्ने बताएका छन् ।

पोर्चुगलमा रोनाल्डोमात्रै आक्रामक छैनन् ।

उनी बाहेक चार वा पाँच जना अन्य असाधारण क्षमताका खेलाडी पनि छन् ।

जर्मनीका प्रशिक्षक जोआसिमले भनेका छन ।

उनीहरु टेक्निकल हिसाबले पनि बलिया छन् ।

यो पनि पढ्नु होस्

https://www.akhabarnepal.com/sports/25798.html