अखबार नेपाल ट्रेन्डिङ

काठमाडौं:  जिल्ला प्रशासन कार्यालय दोलखाले तामाकोशी नदीमा ठुलो बाढी आउने सक्ने भएकोले सतर्कता अपनाउन आग्रह गरेको छ । पहिरोले तामाकोशी नदी थुनिएको कारणले जुनसुकै बेलामा तामाकोशी नदीमा बहाब बढ्न सक्ने भएकोले जिल्ला प्रशासन कार्यालयले सतर्कता अपनाउन आग्रह गरेको हो ।

नेपाल चीन क्षेत्रको टिङरी काउन्टीको रोङजीया शहर र सो शहरको आसपासमा भारी वर्षा हुँदा पहिरो गई नदी प्रवाह रोकिएको सूचना प्राप्त भएको प्रशासनले जनाएको छ । तामाकोशी नदीको तटीय क्षेत्रमा उच्च सतर्कता अपनाउन र खतराको संकेत प्राप्त हुनासाथ उच्च स्थानमा जान जिल्ला प्रशासन कार्यालय दोलखाले अनुरोध गरेको छ ।

जल तथा मौसम विज्ञान विभागको बाढी पूर्वानुमान महाशाखाले कोशी नदीमा बाढी आउन सक्ने हुँदा नेपाल–चीन सिमा नजिक र तामाकोशीको तटिय क्षेत्रमा सतर्क र सजक रहन आग्रह गरेको छ ।

यो पनि पढ्नुहोस् :

सिन्धुपाल्चोकको हेलम्बु गाउँपालिकाको स्कूल र प्रहरी चौकी बाढीले बगायो