अखबार नेपाल ट्रेन्डिङ

एजेन्सीः फिनल्याण्डको युरोकप फुटबलमा ऐतिहासिक जित डेनमार्कलाई हराउँदै विजयी सुरुवात गरेको छ ।

शनिबार राति कोपनहेगन स्टेडियममा भएको खेलमा फिनल्याण्डले डेनमार्कलाई १-० गोलले पराजित गरेको हो ।

फिनल्याण्डको जितमा जोएल पोहनपालोले ५९औँ मिनेटमा गरेको गोल नै निर्णायक भयो ।

डेनमार्कले पाएको अवसर पेनाल्टीमा गोल गर्न चुकेको थियो ।

७४औँ मिनेटमा पिएरे इमिल गोल गर्न चुकेका थिए ।

फिनल्याण्डका खेलाडीले युसुफ पाउलसेनलाई लडाएपछि पाएको पेनाल्टीमा इमिलको प्रहार फिनल्याण्डका गोलकिपर लुकासले बचाएका थिए ।

युरोकप खेलमा फिनल्याण्डको यो ऐतिहासिक जित हो ।

फिनल्याण्डले ऐतिहासिक जित निकाल्दा डेनमार्कले भने दुखद घटनाको सामना गर्नु प¥यो ।

डेनमार्कका विंगर क्रिस्टियन एरिक्सन खेल संचालन भएकै समयमा बेहोस भएर मैदानमा ढलेपछि डेनमार्क स्तब्ध भएको थियो ।

खेलको ४३औं मिनेटमा एरिक्सन अचेत भएका थिए ।

उनलाई आकस्मिक उपचारका लागि अस्पताल लगिएको थियो ।

पछि उनको होस खुलेपछि खेल फेरि शुरू भएको थियो ।

हाल उनको स्वास्थ्य अवस्था सुधारोन्मुख भएको डेनिस फुटबल एसोसियनले जनाएको छ ।

यो पनि पढ्नु होस्

https://www.akhabarnepal.com