अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा लेष्टर सिटी र साउथह्याम्पटनले बराबरी खेलेका छन् ।

शुक्रबार राति भएको प्रिमियर लिगमा लेष्टर र साउथह्याम्पटनले १-१ गोलको बराबरी खेलेका हुन् ।

सुरुवातमै १० खेलाडीमा सीमित भएको साउथह्याम्पटनमाथि लेष्टरले जित निकाल्न नसकेको हो ।

खेलको १० औं मिनेटमा जान्निक भेस्टरगार्डले रातो कार्ड पाएपछि लेष्टर १० खेलाडीमा समेटिएको थियो ।

१० खेलाडीका बाबजुद खेलमा सुरुवाती अग्रता पनि साउथह्याम्पटनले नै बनाएको थियो ।

६१औं मिनेटमा जेम्स वार्डले पेनाल्टीमा गोल गर्दै साउथह्याम्पटनलाई १-० को अग्रता दिलाए ।

६८औं मिनेटमा जोनी इभान्सले गोल गर्दै लेष्टरलाई १-१ गोलको बराबरीमा फर्काए ।

बराबरीसँगै लेष्टर प्रिमियर लिगमा ३४ खेलमा ६३ अंकसहित तेस्रो स्थानमा छ भने साउथह्याम्पटन ३७ अंक जोडेर १४औं स्थानमा छ ।

यो पनि पढ्नु होस्

https://www.akhabarnepal.com/%e0%a4%a8%e0%a5%87%e0%a4%aa%e0%a4%be%e0%a4%b2-%e0%a4%b8%e0%a5%81%e0%a4%aa%e0%a4%b0-%e0%a4%b2%e0%a4%bf%e0%a4%97%e0%a4%ae%e0%a4%be-%e0%a4%a6%e0%a5%8b%e0%a4%b8%e0%a5%8d%e0%a4%b0%e0%a5%8b-%e0%a4%9c/