अखबार नेपाल ट्रेन्डिङ

एजेन्सीः स्पेनिस लिगमा गएराति भएको ३३औ चरणको खेलमा ग्रानाडा विरुद्द घरेलु मैदान क्याम्प नोउमा बार्सिलोनाले अग्रता जोगाउन नसक्दा नराम्रो झड्का बेहोर्यो ।

उपाधिको नजिक पुगेको बार्सिलोनालाई उपाधि होडमा धक्का लागेको छ ।

अझै पनि उसको संभावना भने जिवितै छ ।

पहिलो हाफको २३औं मिनेटमा लियोनल मेसीको गोलबाट बार्सिलोनाले अग्रता लिएर अंक तालिकाको पहिलो स्थानमा उक्लदै उपाधि यात्रा सहज बनाएको बार्सिलोनाले दोश्रो हाफमा लय गुमायो ।

खेलमा प्रसस्त नियन्त्रण कायम गरेपनि बार्सिलोनाले ग्रानाडाको काउण्टर आक्रमण रोक्न सकेन ।

डिफेन्सलाईनमा देखिएको कमजोरीबाट ग्रानाडाको खेलाडीले फाईदा उठाउदै दोश्रो हाफको ६३ र ७९ औं मिनेटमा २ गोल गरे ।

ग्रानाडासँग २-१ गोलले बार्सिलोना पराजित भएको हो ।

बल पोजिसन ८१ प्रतिशत आफ्नो नियन्त्रणमा लिन सफल भएपनि बार्सिलोनाले थप गोल गर्न सकेन ।

बार्सिलोनाले भोगेको पराजयले पहिलो स्थानमा रहेको एथ्लेटिको मड्रिडलाई सोझो फाईदा पुगेको छ ।

स्पेनिस ला लिगा ०२०-०२१ सिजनको ३३औं चरणको खेल सकिदा एथ्लेटिको म्याड्रिड ७३ अंक सहित शिर्ष स्थानमा छ ।

रियल म्याड्रिड ७१ अंक सहित दोश्रो, समान ७१ अंक सहित बार्सिलोना तेश्रो र ७० अंकका साथ सेभिया चौथो स्थानमा छ ।

सिजनका खेलहरु अन्तिम चरणमा पुग्दै गर्दा उपाधि होडमा रहेका ४ क्लब बीचको दुरी मात्र ३ अंकको फरक रहेको छ ।

यो पनि पढ्नु होस्

https://www.akhabarnepal.com/%e0%a4%a8%e0%a4%bf%e0%a4%b7%e0%a5%87%e0%a4%a7%e0%a4%be%e0%a4%9c%e0%a5%8d%e0%a4%9e%e0%a4%be%e0%a4%ae%e0%a4%be-%e0%a4%aa%e0%a4%a8%e0%a4%bf-%e0%a4%a8%e0%a5%87%e0%a4%aa%e0%a4%be%e0%a4%b2-%e0%a4%b8/