अखबार नेपाल ट्रेन्डिङ

एजेन्सी: इंग्लिस प्रिमियर लिग फुटबलमा बर्नलीसँग लिभरपुल १-० गोल अन्तरले पराजित भएको छ ।

गएराती भएको खेलमा घरेलु मैदानमै साविक विजेता समेत रहेको लिभरपुल बर्नलीसँग पराजित भएको हो ।

बर्नलीलाई जित दिलाउन एस्ले बर्नेसले गोल गरे । उनले खेलको ८३औं मिनेटमा पेनाल्टीबाट गोल गरेका थिए ।

हारसँगै लिभरपुलको अपराजित यात्रा टुंगिएको छ । लिभरपुल ६८औं खेलसम्म घरेलु मैदानमा अपराजित रहेको थियो ।

हारसंगै लिभरपुलले शीर्ष टोलिहरुसँगको अंक दुरी कम गर्ने मौका समेत गुमाएको छ । लिभरपुल ३४ अंक जोडेर चौंथो स्थानमा रहेको छ ।

बर्नली १९ अंक जोडेर १७ औं स्थानमा उक्लिएको छ ।