अखबार नेपाल ट्रेन्डिङ

एजेन्सीः स्पेनिस ला लिगा फुटबलमा एट्लेटिको मड्रिडले आइबरलाई २-१ गोल अन्तरले पराजित गरेको छ ।

लुइस सुआरेज चम्किएपछि एट्लेटिकोले पुनरागमन जित निकालेको हो । खेलमा सुरुवाती अग्रता भने आइबरले बनाएको थियो ।

खेलको १२औं मिनेटमा मार्कोले पेनाल्टीमा गोल गर्दै घरेलु टोलीलाई अग्रता दिलाएका थिए ।

खेलको ४०औं मिनेटमा सुआरेजले गोल गर्दै एट्लेटिकोलाई १-१ गोलको बराबरीमा फर्काए ।

त्यसपछि खेलको ८९औं मिनेटमा सुआरेजले पेनाल्टीमा गोल गर्दै एट्लेटिकोलाई २-१ को जित दिलाए ।

जितसंगै एट्लेटिकोले १७ खेलमा ४४ अंक जोडेको छ । एट्लेटिको दोस्रो स्थानको रियल मड्रिड भन्दा ७ अंकले अघि रहेको छ ।

आइबर १९ अंक जोडेर १५ औं स्थानमा रहेको छ ।