अखबार नेपाल ट्रेन्डिङ

काठमाडौं : दक्षिण अफ्रिकाले श्रीलंकाविरुद्धको पहिलो टेष्ट इनिङ्स र ४५ रनले जितेको छ । फाफ डु प्लेसिसको १९९ रन अनि बलरहरुको उत्कृष्ट प्रदर्शनपछि दक्षिण अफ्रिकाले पहिलो टेष्ट जित्दै २ खेलको सिरिजमा १-० को अग्रता बनाएको छ ।

दोस्रो इनिङ्समा श्रीलंका १८० रनमै अलआउट भएपछि दक्षिण अफ्रिकाले एक इनिङ्स मात्र ब्याटिङ गरेर खेल जितेको हो ।श्रीलंकाले ६५र२ बाट चौथो दिनको खेल अघि बढाएको थियो । श्रीलंकाले थप ११५ रन थप्दा अरु ७ विकेट गुमायो । श्रीलंकाका लागि ओपनर कुशल परेराले सर्वाधिक ६४ रन बनाए ।

यस्तै डेब्युटान्ट वानिन्दु हसारांगाले ५९ रन जोडे । चोटका कारण धनञ्जय डा शिल्भा अबसेन्ट हर्ट भए ।दक्षिण अफ्रिकाका लागि बलिङमा लंगी एनगिदी, एनरिच नोर्किअ, विएन मुल्डर र लुथो सिपाम्लाले २-२ विकेट लिए ।

सेन्चुरियनस्थित सुपरस्पोर्ट पार्का टस जितेर पहिले ब्याटिङ गरेको श्रीलंकाले पहिलो इनिङ्समा ३९६ रन बनाएको थियो । डु प्लेसिसले १९९ रन बनाएपछि दक्षिण अफ्रिकाले पहिलो इनिङ्समा ६२१ रन बनाएको थियो ।

यो पनि पढ्नु होस्

https://www.akhabarnepal.com/%E0%A4%95%E0%A5%8B%E0%A4%B8%E0%A5%8D%E0%A4%9F%E0%A4%BE%E0%A4%B2%E0%A5%87-%E0%A4%8F%E0%A4%9F%E0%A5%8D%E0%A4%B2%E0%A5%87%E0%A4%9F%E0%A4%BF%E0%A4%95%E0%A5%8B-%E0%A4%9B%E0%A4%BE%E0%A4%A1%E0%A5%8D%E0%A4%A8