अखबार नेपाल ट्रेन्डिङ

काठमाडौं : ओपनर पृथ्वी श र विकेटकिपर ऋद्दिमान साहले अष्ट्रेलिया विरुद्धको पहिलो टेष्ट खेल्ने टिमको पहिलो रोजाइमा स्थान बनाएका छन् ।

बोर्डर गावास्कर ट्रफी अन्तर्गत बिहीबार सुरु हुने टेष्टका लागि भारतले एक दिनअघि नै विराट कोहलीको कप्तानीमा अष्ट्रेलियाविरुद्ध खेल्ने टिम घोषणा गरेको हो ।

जसमा ओपनर र विकेटकिपरमा कसलाई खेलाउने भनेर सर्वाधिक चासोको विषय बनेको थियो । ओपनिङमा मायांक अग्रवाललाई पृथ्वी श ले साथ दिनेछन् भने ऋषभ पन्तको सट्टा ऋद्दिमानले विकेटकिपिङ सम्हाल्नेछन् ।

यस्तै रविचन्द्रन आश्विन स्पिनरको रुपमा खेल्नेछन् । कप्तान विराट कोहली अष्ट्रेलिया छाड्नुअघि एक मात्र टेष्ट खेल्नेछन् । यस्तै पहिलो रोजाइमा खेल्ने अन्य खेलाडीमा चेतेश्वर पुजारा, अजिन्का रहाने, हनुमा विहारी, जसप्रित बुमराह, मोहम्द शामी र उमेश यादव छन् ।  उमेश तेस्रो फास्ट बलरको रुपमा टिममा स्थान बनाएका छन् ।

उता अष्ट्रेलियाका नियमित ओपनर डेविड वार्नर चोटका कारण पहिलो टेष्ट खेल्ने छैनन् । यस्तै जोए बर्न्स पनि खराब फर्ममा रहेकोले कसले ओेपनिङ गर्ने चासोको विषय बनेको छ ।

यो पनि पढ्नु होस

https://www.akhabarnepal.com/category/sports/