अखबार नेपाल ट्रेन्डिङ

एजेन्सी: खेलाडी वर्गीकरणमा नेपाली राष्ट्रिय महिला क्रिकेट टीमका खेलाडीहरुले आईतबार नेपाल क्रिकेट संघ (क्यान) मा ज्ञापनपत्र बुझाउने भएका छन् ।

खेलाडीको ग्रेड वर्गीकरण साथै पारिश्रमिक निर्धारणप्रति असन्तुष्टि जनाउँदै महिला क्रिकेटरहरुले क्यानमा ज्ञापन पत्र बुझाउने भएका हुन् ।

क्यानको असोज ६ गते चितवनमा बसेको बोर्ड बैठकले पहिलो पटक महिला क्रिकेटरलाई केन्द्रिय सम्झौतामा समावेश गर्यो । साथै क्यानले खेलाडीको वर्गीकरणसँगै पारिश्रमिक पनि तोक्यो ।

क्यानको वर्गीकरण अनुसार महिला खेलाडी तीन श्रेणीमा विभाजित छन् भने क्यानले तोकेको पारिश्रमिक अनुसार ‘ए’ श्रेणीका खेलाडीले १५, ‘बी’ का ले १२ र ‘सी’ श्रेणीका खेलाडीले १० हजार मासिक रुपमा पाउनेछन् ।

क्यानको वर्गीरणका १९ जना खेलाडी छन्, तर ती मध्धे केही खेलाडी नियमित राष्ट्रिय टोलीका सदस्य हैनन् ।

मेरो खेलबाट