अखबार नेपाल ट्रेन्डिङ

एजेन्सीः कोरोना भाईरसको महामारीका कारण अनिश्चित बनेको फ्रेन्च ओपन टेनिस प्रतियोगिता सुरु हुने भएको छ । प्रतियोगिता दर्शक सहितको स्टेडियममा हुने तय भएको छ । फ्रेन्च ओपनका लागि चाँडै टिकट बिक्री समेत खोल्ने आयोजकले तयारी गरेको छ ।

कोरोना महामारीका कारण फ्रेन्च ओपन स्थगित गरिएको थियो । फ्रान्समा कोरोनाको प्रभाव कम हुँदै गएपछि प्रतियोगिता सेप्टेम्बरमा दर्शक सहित आयोजना गरिने फ्रेन्च टेनिस महासंघ (एफएफटी)ले ट्वीट गर्दै जानकारी दिएको छ ।

फ्रेन्च ओपनको फाईनल खेलमा करिब १० हजार दर्शक आउने सक्ने आयोजकले बताएको छ । कोरोनाको अवस्थालाई हेरेर फाईनलमा दर्शक क्षमता बढाउन सकिने उसको दाबी छ । यस्तै, एफएफटीले प्रत्येक दिन २० हजार दर्शकलाई खेल हेर्न अनुमती प्रदान गरिने जनाएको छ ।

प्रतियोगिता सेप्टेम्बर २७ देखि अक्टोबर ११ सम्म सञ्चालन गरिने तय भएको छ । आयोजक एफएफटीले प्रतियोगिताको बारेमा विस्तृत विवरण दिएको छैन ।