अखबार नेपाल ट्रेन्डिङ

एजेन्सीः प्रिमियर लिग फुटबलमा यो सिजनको उपाधि विजेता लिभरपुलले बिहिबार राती म्यान्चेस्टर सिटीसँग पराजित भएको छ । घरेलु मैदान इतिहाद स्टेडियममा लिभरपुललाई गार्ड आफ अनर सम्मान दिएको सिटीले ४–० ले पराजित गर्यो ।

सिटीको जितमा केभिन डी ब्रोइने, रहिम स्टर्लिङ र फिल फोडिनले एक एक गोल गरे । यस्तै अर्को एक गोल सिटीले आत्माघाती उपहार पायो । सिटीले २५औँ मिनेटमा अग्रता बनायो । डिफेन्डर गोमेजको गल्तीमा रहिम सटर्लिङले जितेको पेनाल्टीलाई डी ब्रोइनेले गोलमा परिणत गरे । त्यसको १० मिनेटपछि स्टर्लिङले अग्रता दोब्बर बनाए । यस्तै पहिलो हाफको अन्तिममा सिटीले अर्को गोल थप्यो । फिल फोडिनले पहिलो हाफको अन्तिम मिनेटमा सिटीलाई ३–० को अग्रता दिलाए । ६६औं मिनेटमा लिभरपुलका चेम्बरलिननले आत्मघाति गोल गरे ।

सिटीसँग हारेको लिभरपुलको यो सिजन दोस्रो हार हो । साविक विजेता सिटीअघि लिभरपुल वार्टफोर्टसँग पराजित भएको थियो ।